Ermənistanın baş naziri Nikol Paşinyan hal hazırda mətbuat konfransı keçirir. JAMAZ.İNFO xəbər verir ki, Paşinyan açıqlamasında bildirib ki, Azərbaycanla diplomatik münasibətlərin qurulması üçün sülh müqaviləsi üzrə intensiv danışıqlar aparılır.
O, ümid etdiyini bildirib ki, mətnlə bağlı ən qısa zamanda razılığa gəlib imzalayacaqlar.
Onun sözlərinə görə, beynəlxalq ictimaiyyətin qəbulu getdikcə daha çox Ermənistan və Azərbaycanın qeyd-şərtsiz onların müvafiq olaraq 29,8 min kvadrat kilometr və 86,6 min kvadrat kilometr ərazi bütövlüyünü tanıması barədə qətnaməyə meyllənir. O bildirib ki, Xankəndidə Qarabağ ermənilərinin hüquqları və təhlükəsizliyi ilə bağlı dialoq aparılacaq. “Biz bu məntiqlə razıyıq və danışıqları aparırıq. Xankəndi-Bakı dialoquna zəmanət verən beynəlxalq mexanizmlərin son dərəcə vacib olduğunu vurğulayırıq”.
Ermənistanın baş naziri deyib ki, regionda hərbi-siyasi vəziyyət gərgin olaraq qalır.
