Qaribaşvili: “Biz Avropa İttifaqının siyasətinə tabe olmayacağıq”

“Tbilisi Avropa İttifaqının üzvü olmadığı üçün onların siyasətinə tabe olmayacaq”. JAMAZ.İNFO xəbər verir ki, bunu Gürcüstanın baş naziri İrakli Qaribaşvili Aİ-nin Rusiya ilə birbaşa uçuşların bərpası ilə bağlı tənqidinə cavab olaraq bildirib.

“Avropa İttifaqının siyasətinə uyğun gəlmək üçün Aİ-nin üzvü olmalıyıq. Bu gün biz hələ Avropa İttifaqının üzvü deyilik. Bu üzvlük məsələsi isə illər çəkəcək”, – deyə Qaribaşvili bildirib.

Hökumət başçısı bir daha qeyd etdi ki, Rusiya ilə hava əlaqəsinin bərpası düzgün qərardır. Eyni zamanda o, Qərbin sanksiyaları altında olan aviaşirkətlərin təyyarələrinin Gürcüstana uçmayacağını vurğulayıb.